Projekt për denoncimin e abuzimeve në shkolla

Parlamenti Rinor Shqiptar dhe shoqata “Gratë Mbështesin Gratë” kanë filluar projektin e vendosjes së kutive të ankesave në 100 shkolla të mesme të vendit ku nxënësit do të shprehin pakënaqësitë e tyre në lidhje me abuzimet që bëhen në institucionet arsimore shqiptare. Nga specialistë të Ministrisë së Arsimit dhe Institutit të Studimeve Pedagogjike janë vënë re fenomene të abuzimit në shkolla si dhe probleme të marrëdhënieve mësues – nxënës. Për këto probleme nxënësit do të hedhin në këto kuti të gjitha problemet që aktualisht i shqetësojnë ato. Informocioni që do të mblidhet nga këto kuti do të studiohet nga grupet e punës të cilat do të evidentojnë problemet përkatëse duke ua bërë të njohur drejtuesve të Ministrisë së Arsimit të cilët janë shprehur të gatshëm për bashkëpunim dhe në marrjen e masave të duhura për të shmangur fenomenin e korrupsionit në arsim.

Komentet e përdoruesve

Nuk ka komente.

 Version i printueshëm