Tavolinë e rrumbullakët për ngrohjen globale në Shqipëri

Me 2 Mars Banka Boterore organizoi në zyrat e saj një tavolinë të rrumbullakët me temë: Si të përfitojmë nga Fondi i Karbonit në trajtimin e çështjes së ngrohjes globale në Shqipëri, ku morrën pjesë përfaqësues të pushtetit vendor dhe hartues të projekteve në nivele lokale. Në këtë tavolinë pjesëmarrësit u njohën me rolin e Bankës Botërore në mbështetjen e Marrëveshjes së Kiotos, si dhe ndihmën për vendet dhe sipërmarrjet e ndryshme, të cilat mund të përfitojnë fondet e karbonit që menaxhohen nga Banka Botërore. Specialistë të Bankës Botërore u shprehën në tavolinën e rrumbullakët të se do t’u sigurojnë asistencë teknike pjesëmarrësve të rregjistruar lidhur me dokumentacionin e nevojshëm për përgatitjen e projekteve të financimit të karbonit. Ndërkohë që disa sipërmarrje kanë shprehur interes për të marrë pjesë në seancat praktike që do të organizohen në këtë kuadër. Ekspertët e pranishëm iu pergjigjën pyetjeve të pjesëmarrësve si dhe paraqiten mundësitë për t'u përfshirë në projekte me këtë temë.

Komentet e përdoruesve

Nuk ka komente.

 Version i printueshëm