Prezantohet projekti për largimin e hirit nga Kosova A

Një projekt për largimin e hirit nga hapësirat e Termocentralit Kosova A dhe gjelbërimin e zonës, është prezantuar sot nga ministri i Mjedisit dhe Planifikimit Hapësinor, Ardian Gjini. Projekti financohet nga Banka Botërore dhe kushton rreth gjashtë milionë euro. Ministri Gjini ka shpjeguar në një konferencë për media së ky projekt përfshinë tri faza të zhvillimit të tij: Rikthimi i shiritave të derdhjes së hirit në minierat ekzistuese; largimi i hirit ekzistues dhe rikultivimi i tokës në gjendje të shfrytëzueshme. Në këtë projekt, sipas ministrit, janë të kyçura të gjitha institucionet. Projekti në fjalë do të udhëhiqet nga KEK-u dhe Banka Botërore ndërsa do të mbikëqyret nga Ministria e Mjedisit dhe Planifikimit Hapësinor. Rezultat tjetër i këtij projekti do të jetë largimi i materieve të rrezikshme nga objektet e separacionit kimik dhe sigurimi i qindra hektarëve tokë për qëllime komerciale e industriale.

Komentet e përdoruesve

Nuk ka komente.

 Version i printueshëm