Protesta të grave me rastin e 8-Marsit

Ndërsa në shumë qytete të Shqipërisë u organizuan mjaft aktivitete me rastin e 8-Marsit, Ditës Ndërkombëtare të Grave, grate në qytetet e Korçës dhe Elbasanit kanë zgjedhur një mënyrë tjetër të përkujtimit të kësaj dite. Në qytetin e Korçës shumë gra që kishin punuar në repartin e Filaturës së Tekstileve kanë protestuar përpara sheshit të Prefekturës duke kërkuar njohjen e pensioneve pasi qysh nga viti 1994 ndërmarja ku ato punonin është mbyllur dhe si pasojë ato kanë mbetur pa punë. Organizatat e shoqërisë civile në mbrojtje të të drejta të grave në qytetin e Elbasanit kanë organizuar po me rastin e 8-Marsit një protestë ku morrën pjesë me dhjetra gra dhe vajza. Pjesëmarrëset në protestë hodhën parulla të tilla si: ”Jo dhunës ndaj Grave!”, “Duam Barazi!” duke kërkuar nga qeveria aktuale më shumë kujdes dhe vëmendje në drejtim të barazisë reale dhe përfshirjes së tyre proçeset e jetës së përditshme dhe krijimin e mundësisë së punësimit për to.

Komentet e përdoruesve

Nuk ka komente.

 Version i printueshëm