Ftesë për Pjesëmarrje - Paqja, të drejtat, interneti dhe ndërtimi i rrjetit

OneWorld Platforma për Evropën Juglindore (owpejl), në kuadër të projektit “Paqja, të drejtat, interneti dhe ndërtimi i rrjetit, do të mbaj trajnime mbi Gazetarinë Avokuese dhe Raportimin e Diversiteteve për partnerët dhe jopartnerët e saj në Kosovë. qëllimet – përmbajtje lokale në gjuhë lokale Projekti ka për qëllim të kontribuojë në fuqizimin e shoqërisë civile në Kosovë, e në veçanti në komunën e Pejës: të mbështesë vullnetarët dhe aktivistët në përdorimin e internetit për shkëmbim të informatave, të mbështes dialogun në mes aktorëve të ndryshëm, të mbështes pjesëmarrjen/monitorimin e vendimmarrjes të kontribuojë në ndërtimin e rrjeteve. Ai gjithashtu ka për qëllim të krijojë një kurikulum (planprogram) dygjuhësor, që ka të bëjë me internetin si një mekanizëm strategjik, të promovojë vetëdijesimin për median e komuniteteve, duke mbështetur kështu 30 aktivistë nga shoqatat në Pejë dhe Kosovë dhe të ngritë vetëdijen për internetin si një medium i fuqishëm për avokim dhe dialog në mes grupeve kombëtare. Projekti do të mbështesë zhvillimin e një sistemi lokal të rrjetëzimit për aktivistët e rinj nga OJQ-të lokale, duke i kushtuar vëmendje të veçantë dialogut në mes të grupeve kombëtare mbi informimin/komunikimin, nëpërmes mbështetjes për gazetari avokuese dhe ndjeshmëri gjinore. përfituesit – transferim i aftësive dhe fuqizim Përfituesit e këtij projekti do të janë individët, aktivistët, operatorët e shoqatave rinore nga Peja, fshati Gorazhdec dhe mbarë Kosova. Megjithatë, së paku pesëdhjetë për qind e përfituesve do të vijnë nga vet qyteti i Pejës. Përzgjedhja do të jetë e hapur për të gjitha organizatat e Kosovës, përderisa nën konsideratë do të janë organizatat partnere të owpejl-së dhe organizatat që bashkëpunojnë me organizatën italiane Tavolo Trentino per il Kosovo. Të gjitha shoqatat e interesuara, do të duhet të përgjigjen një pyetësori të shkurtër dhe do t’u kërkohet të përgatisin një material të vogël prezantues. Dy trajnimet e para do të përfshijnë nga 12 pjesëmarrës, me grupe të kombësive të ndryshme. Nga organizatat do të kërkohet të nënshkruajnë një marrëveshje besimi që dëshmon marrëdhënien e saj me pjesëmarrësit e trajnimit, të cilët do të janë vullnetar, anëtar i personelit... Përzgjedhja do të bëhet në mënyrë të hapur dhe transparente. Të gjitha trajnimet do të mbahet në hapësirën e qendrës rinore “Zoom” në Pejë. metodologjia – lokalizimi i njohurisë Metodologjia e përdorur për modulet e trajnimit është e tipit pjesëmarrës, andaj është paraparë që të ketë pjesëmarrje të shoqatave të grave dhe të rinjve dhe t’i kthejë ata në aktorë të drejtpërdrejtë në përpunimin e informacionit nëpërmes një vargu të mekanizmave të internetit, audio dhe video për promovimin e fushatave të tyre përkatëse. gjinia (pas 8 marsit) Fokusimi në temën gjinore është përzgjedhur si një problem indirekt që përkon me tërë përditshmëritë e organizatave dhe shkaku më i madh është ai i prezantimit të grave në mediat e rëndomta, një temë shumë e rëndësishme për mbarë Ballkanin dhe Kosovën në veçanti. Trajnimet do të mbahen nga trajnerët e owpejl-së: Valentina Pellizzer dhe Predrag Vostinic (kurikulumi do të bashkëngjitet). Orari i trajnimeve Trajnimi i parë do të organizohet më 18, 19, 20 dhe 21 prill 2007, i dyti nga 23, 24, 25 dhe 26 prill 2007, përderisa trajnimi i tretë me 6 pjesëmarrës të përzgjedhur do të organizohet nga 23 deri më 27 maj 2007. Trajnimet do të mbahen në dy gjuhë; Shqip dhe Serbokroatisht Koha e fundit për paraqitje është: 10 prill, 2007. Për tu paraqitur për pjesëmarrje, ju lutemi të dërgoni kërkesat tuaja tek Luan Ibraj, Menaxher i Rrjetit të owpejl-së në adresën e e-mailit: luan.ibraj@oneworldsee.org. Për udhëzime shtesë ju mund ta kontaktoni atë në telefonin celular: +377(0)44 139 567. Projekti zbatohet nga owpejl, Kine dhe OJQ \"Syri i Vizionit\", përderisa ai mbështetet në formë financiare nga organizata italiane Tavolo Trentino per il Kosovo. Ejani në trajnime dhe bashkangjituni me owpejl.