Dita Botërore e Ujit: Aktivitete sensibilizuese nga të rinjtë e shkollave të mesme

Me 21 Mars, në pritje të Ditës Botërore të Ujit (22 Mars), në mjediset e Shkollës së Mesme të Përgjithsme në Tiranë, A. Z. Çajupi, u organizua një eveniment në qendër të të cilit ishte pikërisht sensibilizimi ndaj rëndësisë jetike të ujit, sikurse e tregonte vetë motoja e të rinjve pjesmarrës "Uji eshte vete jeta". " Përveç të rinjve që prezantuan projektet e tyre, në kuadër të iniciativës së klubit ekologjik "Kristal" perkrahur nga REC Shqipëri, në këtë aktivitet morën pjesë edhe zv/ministri i Ministrisë së Mjedisit, Pyjeve dhe Administrimit të Ujërave, përfaqësues nga PAMECA dhe nga shoqëria civile. Zv/Ministri në fjalimin e tij theksoi rëndësinë e mbrojtjes të këtij aseti natyror, ujit, sepse megjithëse vendi ynë "është i bekuar gjeografikisht" me shumë burime ujore sipërfaqësore dhe nëntokësore, ato nuk menaxhohen siç duhet. Për të ndërtuar një rrjet të plotë në të gjithë Shqipërinë, që do të siguronte ujë të pijshëm sipas standardeve të Bashkimit Europian, shtoi ai, do të nevojiteshin plot 1 miliard euro. Ndërkohë, ndër të tjera Ministria Mjedisit ka në plan katër projekte për filtera që do të siguronin një filtrim optimal të ujit për katër qytete të vendit. 22 Marsi është shpallur nga OKB-ja si Dita Botërore e Ujit, motoja për këtë vit është "Perballja me pamjaftueshmerinë e Ujit". Sensibilizimi i të rinjve me rastin e kësaj dite pati, jo vetëm në shkollën Çajupi të qytetit të Tiranës, por dhe në 11 shkolla të tjera të mesme (Kukës, Lezhë, Vlorë, Kavajë, Berat, Gjirokastër, Korçë, Elbasan, Burrel, F-Krujë, Shkodër), në të gjithë vendin, të cilat jo më vonë se në datën 6 Mars të këtij muaji ngritën rrjetin midis shkollave, për bashkëpunim dhe pjesëmarrje të të rinjve, në procese të mundshme kombëtare dhe më gjërë. Në mjediset e këtyre shkollave, sikurse në shkollën Çajupi në Tiranë, u organizuan një sërë aktivitetesh si debate, konkurse me piktura, ese etj në kuadër të sensibilizimit ndaj kësaj dite. Të rinjtë e këtyre shkollave, për një sensibilizim dhe të komunitetit në tërësi organizuan aktivitete dhe jashtë mjediseve të shkollave, si shpërndarjen e posterave, fletëpalosjeve, vizitat në impiantet e ujit të pijshëm, si dhe morën pjesë në mënyre demostrative në pastrimin e sipërfaqeve ujore të qytetit te tyre. Krijimi i këtij rrjeti midis shkollave dhe për më tepër aktivitetet me rastin e Ditës Botërore të Ujit, janë një hap i mirë, që këta të rinj të mund të kontribuojnë në mbrojtjen e mjedisit.

Komentet e përdoruesve

Nuk ka komente.

 Version i printueshëm