INPO proteston para tri institucioneve publike

Me sy dhe gojë të mbyllur me një shirit të zi, aktivistët e organizatës joqeveritare INPO nga Ferizaj, kanë protestuar të mërkurën para tri institucioneve më të rëndësishme publike të këtij qyteti: Kuvendit Komunal, Gjykatës Komunale dhe Spitalit publik, me ç’rast kanë kërkuar efikasitet më të madh në punën e këtyre institucioneve. Koordinatori i INPO-s, Ramadan Ilazi, ka deklaruar se para gjykatës protestohet për të reaguar ndaj mungesës së efikasitetit të këtij institucioni, që duhet të jetë shtylla më e fortë e drejtësisë. “Protestojmë para kuvendit sepse kjo qeveri edhe nuk ka aftësi, kapacitet dhe vullnet për të zgjedhur problemet dhe për të përmbushur përgjegjësitë ligjore që ka, dhe protestojmë para spitalit që për ne përfaqëson shërbimet shëndetësore, për të reaguar ndaj keqpërdorimeve dhe mungesës së profesionalizmit”, ka thënë ai me këtë rast. INPO ka paralajmëruar se çdo herë kur institucionet nuk e kryen punën siç edhe është e paraparë ata do ta shprehin revoltën e tyre.

Komentet e përdoruesve

Nuk ka komente.

 Version i printueshëm