Prezenca e OSBE-së në Shqipëri shënon 10-vjetorin e

Prezenca e OSBE-së në Shqipëri u krijua në bazë të një vendimi të Këshillit të Përhershëm të OSBE-së, më 27 mars 1997, në përgjigje të mosfunksionimit të ligjit dhe rendit publik në vend. Gjatë asaj periudhe, Prezenca u përqendrua në ofrimin e këshillimit dhe ndihmesës për kapërcimin e pasojave të kolapsit të fuqisë së shtetit, monitorimin e çështjeve të sigurisë, të të drejtave të njeriut, përgatitjen dhe vëzhgimin e zgjedhjeve dhe çështjet e demokratizimit. “Gjatë dhjetë viteve të fundit, Shqipëria ka bërë përparime mbresëlënëse dhe detyrat e puna e Prezencës janë rritur paralelisht në mënyrë të ndjeshme,” tha Kryetari i Prezencës, Ambasadori Pavel Vacek. “Shqipëria është në rrugën e saj drejt integrimit Euro-Atlantik dhe sfida për Prezencën është si të japë më së miri ndihmesën e saj për reformat e brendshme më të rëndësishme brenda mandatit tonë, si dhe të bashkëpunojë ngushtësisht me Qeverinë dhe partnerë të tjerë shqiptarë.” Në vitin 2003, mandati i Prezencës u rifreskua dhe që nga ajo kohë ajo u përfshi edhe në nxitjen e demokratizimit, shtetit të së drejtës dhe të drejtave të njeriut, si dhe forcimin e institucioneve demokratike, në përputhje me parimet, standardet dhe angazhimet e OSBE-së. Prezenca punon, gjithashtu, në fushën e reformës legjislative dhe juridike, reformës së pronave, reformës zgjedhore, reformës administrative rajonale, në forcimin e kapaciteteve të Kuvendit, në luftën kundër trafiqeve dhe korrupsionit, zhvillimin e medias, nxitjen e qeverisjes së mirë, zhvillimin e shoqërisë civile dhe ofron ndihmesën e saj për policinë.

Komentet e përdoruesve

Nuk ka komente.

 Version i printueshëm