Strukturat paralele ndikojnë në sundimin e ligjit në Kosovë

Ekzistenca e vazhdueshme e strukturave paralele në Kosovë në disa fusha të sektorit publik kanë ndikim direkt në të drejtat e individëve dhe në sundimin e ligjit, bën të ditur raporti i ri për të drejtat njerëzore i misionit të OSBE-së në Kosovë. Ky raport është një pasqyrim i situatës që nga viti 2003, ndërsa përshkruan dhe analizon ndikimet e sistemeve paralele që operojnë në Kosovë. Në veçanti ai u kushtohet fushave si gjykatat, siguria, të drejtat e pronës, edukimi dhe përkujdesja shëndetësore, dhe trajton ndikimin e tyre në shoqëri. "Ekzistenca e strukturave paralele vazhdon të ketë ndikim substancial në shoqërinë kosovare”, ka deklaruar ambasadori, Werner Wnendt, shef i misionit të OSBE-së. "Tashmë, këto struktura mund të jenë plotësuese të sistemit, duke mbuluar zbrazëtirat dhe duke siguruar qasje në shërbime të caktuara publike". Ekzistenca e vazhdueshme e strukturave paralele rezulton nga tre faktorë: mungesës së qasjes në shërbimet publike, përfshirë këtu përkujdesjen shëndetësore, edukimin dhe ndihmën sociale; mungesën e besimit të bazuar në perceptimin dhe ndjenjën e diskriminimit; mungesën e vullnetit politik dhe çështjen e statusit të pazgjidhur si pengesë për integrimin e shërbimeve paralele. Raporti po ashtu thekson se sistemi paralel i gjyqësisë krijon klimën e paqartësisë legale dhe vështirëson vendosjen e plotë të sundimit të ligjit dhe të zhvillimit të shoqërisë stabile demokratike. Raporti urgjentisht rekomandon shqyrtimin e këtyre brengave për t’i rregulluar nevojat e të gjitha komuniteteve në Kosovë dhe, për të siguruar se janë të mbrojtura të drejtat e njerëzve. Në veçanti, rekomandimet ofrojnë bazat për një strategji gjithëpërfshirëse të komunitetit ndërkombëtar dhe të institucioneve të përkohshme qeverisëse të Kosovës për t’u marrë me strukturat e mbetura paralele. Aksioni i bazuar në rekomandimet e këtij raporti është i nevojshëm për të zvogëluar dhe eventualisht eliminuar varësinë ndaj strukturave paralele, duke ndihmuar po ashtu integrimin e shërbimeve të nevojshme në strukturat institucionale të Kosovës. Në veçanti, shërbimet e përmirësuara për komunitetet e cenuara janë të domosdoshme nëse zbritet kërkesa për struktura paralele. "Thjesht, mbyllja e strukturave paralele të përkujdesjes shëndetësore dhe edukimit nuk është një zgjidhje e pranueshme”, ka shtuar Wnendt. "Një hap përpara do të mund të ishte një qasje integruese, që do të siguronte përkushtimin e njerëzve për të gjetur zgjidhjet e dobishme për të gjitha rastet”. Informatat e raportit do të duhej t’u shërbenin autoriteteve përgjegjëse për të përmirësuar situatën dhe për të promovuar zhvillimin e institucioneve, që ju shërbejnë njerëzve pa i diskriminuar ata. Raporti i plotë Strukturat Paralele në Kosovë

Komentet e përdoruesve

Nuk ka komente.

 Version i printueshëm