KShKK : Kontribon për Qeverisjen e mirë në Shqipëri

Koalicioni Shqiptar kundër korrupsionit (KShKK) organizoi një fushatë masive në dhjetë qytete përfshirë këtu: Durrës, Koplik, Lezhë, Peqin, Lushnje, Elbasan, Vlorë, Himarë dhe Gjirokastër. KShKK dizenjoi një format Premtimi ku u përfshinë principe të qeverisjes së mirë. Kandidatët për kryetarë bashkish, komunash dhe këshillat e qytetit u angazhuan për të firmosur publikisht këtë format duke premtuar përgjegjshmëri ndaj qytetarëve, përgjegjësi për të përfaqësuar interesat e qytetarëve dhe përkushtim për të qenë transparent dhe të hapur ndaj premtimeve të bëra gjatë fushatës elektorale. Si rezultat i kësaj përpjekje KShKK firmosi 812 Premtime nga kandidatët për kryetarë bashkish, komunash dhe këshillat e qytetit në nivel kombëtar. KShKK mbajti dy konferenca për shtyp, një për prezantimin e iniciativës dhe një për njoftimin e rezultateve të fushatës. Në këtë fushatë masive nën sloganin “Pro Qeverisjes së Mirë”, KShKK shpërndau edhe 2000 postera dhe 1000 fletëvolante në dhjetë qytete. KShKK do të vazhdojë punën me monitorimin e aplikimit të principeve të qeverisjes së mire nga kryetarët e zgjedhur në këto dhjetë qytete.

Komentet e përdoruesve

Nuk ka komente.

 Version i printueshëm