Leka Zogu I shpall krijimin e "Lëvizjes për Zhvillim Kombëtar"

Trashëgimtari i Fronit Mbretëror, Leka Zogu i I-rë, shpalli sot krijimin e "Lëvizjes për Zhvillim Kombëtar". Në një mesazh, të publikuar gjatë një konference për shtyp, Leka Zogu deklaroi disa nga idetë dhe synimet e kësaj lëvizjeje të re në politikën shqiptare. Leka Zogu u shpreh se "Lëvizja për Zhvillim Kombëtar do të përfshijë të gjitha krahët e politikës dhe të shoqërisë mbarëkombëtare me idealin e vetëm, interesat kombëtare. Ajo do të sjellë klimën e pajtimit dhe të mirëkuptimit në kombin shqiptar, që duhet të punojë për të ardhmen", tha ai. "Për të arritur objektivat e saj lëvizja vlerëson si kusht themelor, ndërtimin e infrastrukturës zgjedhore demokratike për garantimin e zgjedhjeve të lira dhe të ndershme", tha ai. Leka Zogu u shpreh optimist edhe për pjesëmarrjen e kësaj lëvizjeje në zgjedhjet parlamentare të vitit 2005.